avita murì

grazie all'immenso salvio micillo sto ascoltando una splendida canzone di peppe lanzetta dedicata a chi ha stuprato senza pietà le nostre terre! avita murì!
canzone recitata per la prima volta a "il giorno del rifiuto" la manifestazione ,organizata dal meetup amici di grillo napoli,che vide più di trentamila persone in piazza dante a febbraio 2008 informarsi ,tra canti e allegria,su come concretamente fare una raccolta differenziata efficiente tesa a non pensare neanche lontanamente a discariche ed inceneritori!
voglio proprorvi il bellissimo testo,amici, leggete queste parole dense di significato!

qui il testo di questa magnifica canzone:
AVITA MURI' - PEPPE LANZETTA
Palle palle palle
c'avite cuntate sulo palle
pe' 14 anni v'ata futtute 'o sanghe nuoste
e l'avite annascuse dint'a l'ecoballe
Giugliano dice basta, a Taverna do' Re nun ce sta cchiu' posto
levate 'e mane 'a cuollo a Pianura, levate 'e mane, si no e' guerra

Palle palle palle
c'avite cuntato solo palle
c'avite abbuffate 'e scorie tossiche, veleni 'e ogni tipo, munnezza
comme a vuje metalli pesanti e 'a mamma 'e tutte 'e Diossine
ma s'adda aiza nu viento ca' nun tene nomme e v'adda affunna'
a tutte quanti e nuje attuorno facimmo 'o coro: Assassin, Assassin!

Scennitece 'a cuollo bestie, gente senza scrupoli ca' avite
approfittate do' potere
pe' fottere guagliune 'e 15 anni, mamme e pensionati
E' fernuta 'a zezzenella mo' o popolo ve sbrana, cu' a famme
ca' se ritrova
‘ndo scuro ve magne vive, 'o piezzo cchiu' gruosso
ca' ve rimmane e' nu stentino

Palle palle palle
c'avite cuntate sulo palle
perfino 'o Vesuvio s'e' sfasteriate 'e ve senti'
sta priparanno 'o cchiu' grande rutto ca' mai fatto
e avite fa' 'o giallo, comme 'o sorice vicino a gatta

'a munnezza e' ricchezza
chesto ve l'avite mparato buono
'a munnezza e' tesoro
chesto l'avite sempe saputo
ma chisto mo' e' nu vico ca' nun sponte e a fore ce stammo nuje,
passatece pe' cuollo, 'o tenite o curaggio?

Ma 'o Stato addo e' stato
cca' tutte quante sapevano lo fatto loro
e nisciuno parlava, pure 'o silenzio era oro
ma 'o latte mo' e' asciute a fore
e ve tradisce pure chi nun v'avesse tradi', 'o core

Palle palle palle
c'avite cuntate sulo palle
emergenza emergenza emergenza
e zittu zittu v'abbuffavano 'e panze
emergenza emergenza emergenza
avita rimmane' chiuse bloccate 'nda n'ambulanza 'e tre 'a notte
a 100 metri a nu pronto soccorso e nisciun v'adda pute' salva'

Commissario a coppo e commissario a sotto
L'Europa ha pagato e vuje avite futtuto
Capri se rigneva 'e Yacht e Mundragone affugave 'nda munnezza
avite acciso 'a speranza da' povera gente, pure l'acqua c'avite
inquinato
'nzieme 'o poco e muzzarella, 'na fronna 'e nzalata e nu chilo
'e mele annurche
Ma nu juorno 'e chiste pure 'a terra s'adda ribella',
'a natura c'adda vummeca' 'nfaccia tutto 'o marcio
ca' avite seppellito 'e notte comme a tanti mariuoli 'ndo scuro
avite fa' 'a fine de' pecore d'Acerra, avite muri' fulminate
cu'e mazzette 'e soldi mmane, manco 'o tiempo 'e v'e pute' cunta'
pecche' chello che conta
e' sulo chello che simmo 'ncoppo 'a sta terra
e vuje site gente 'e niente, avita muri'
accise da' stessa vosta guerra

Palle palle palle
chesta avite miso dint' a l'ecoballe
a differenziata l'avite fatte dint'e sacche voste, a cca' 'e piezz
‘e 50, a cca' chill e 100, a la' chill' e 500...
mo' parlate 'e solidarieta'

Je ve facesse affuga' mmiezo a tunnellate 'e sacchette putrefatte,
nzieme 'e surice 'e zoccole ca' ve ballano 'o tango attuorno
e a vuje nisciuno v'adda stennere 'nu dito...'o lamiento vuosto
s'adda' perdere 'ndo rummore 'e l'infinito...

PEPPE LANZETTA